نكت جزائرية مهبولة

قالك هذه الحكاية سرات في الدربا وين هدرو الدنمارك على الرسول صلى الله عليه و سلم. قالك كاين وحد مزطول ماشي سامع بدنيا خلاس. قالك سيد هذا لحقو الخبر, واش دار الشاطر راح شعل النار في les pneu تاع les voiture هو و صحابوا لي كيما هو و غلقوا الطريق السريع الاساسي تاع الولاية اومباعد جاء رئيس الامن تاع هاديك الولاية و سقساه, قالو: وعلاه درت هذا كامل?! قالوا المزطول : واش ما سماعتش واش قالوا السودان على الرسول

واحد مجنون بالرسوم المتحركة مات باباه كتبلوا في قبروا the end

واحد مجنون ولدت مرتوا توام جن رجلها وقالها شكون اب الطفل الثاني

واحد يسكن في القرية دا الباك وباه يروح للجامعة خاف يضحكو عليه قالتلو أمو روح برك النهار اللول يضحكو عليك والنهار الثاني يضحكو عليك والنهار الثالث توالف وتروحلك العقدة قالها : مالا حتى النهار الثالث

قالكم مرة كاين واحد الشايب مريض قريب يموت وهو على الفراش عيط لاولادو باه ينصحهم وقالهم كل واحد يجيب معاه عصا صغيرة
ايا دارو عليه ولادوا وجابوا معاهم العصي عطا الشايب لواحد من ولادو 2 عصيات وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى
وصل ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف فيهم باباهم وقالهم: روحوا يا ولادي مدام معاكم الجحش هذا ما نخافش عليكم

قالكم كاين واحد عندو الغنم بزاف بزاف بصح ما يصليش واحد المره جاه الامامتاع المنطقة نتاعو وقالوا انت لوكان تزيد تصلي الغنم نتاعك يوليو الضعف مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا 4ولا5السيد صابر يقول ضرك يزيدو ضرك يزيدو حتى بقى ليه كبش واحدفات عليه والكبش يقول بع بع بع بع بع بع بع ما حبش يسكت دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت

و اخيرا كلمة شكر تكفي و ساكون افضل ان شاء الل

شكرا لك على النكت