بعد الغيــــاب ...

موضوع: بعد الغيــــاب ... 28/02/12, 05:17 pm

بعد الغياب أللي جروحه أليمه
رجعت من رحلة عذابي ومنفاي
ومريت بالرحله الرسوم القديمه
في رحلتي صارت أبدربي وأنا جاي
رسم ا ليتيم اللي رسم له يتيمه
اللي عزف حزنه على نغمة الناي
ناظرتهن نظرة خصيم الخصيمه
وسجيت بالتفكير مع وقفة أخطاي
وتجمعت من كل فج وخريمه
قشر الهجوس اللي حدني على أقصاي
ياهجوس غافل والنوايا سليمه
وش جابني لرسوم همي وذكراي
لوكان ذكري مع علي مستديمه
ذكراه تجري مثل دمي مع أعضاي
معها مثل غصن(ن) يداعب نسيمه
من قالك لعهود الا حباب نساي
ذكرى غلاي اللي بقلبي مقيمه
عزاي بالذكرى قصيدي ومعناي
أن طاب نوم أهل العقول السقيمه
حطيت كوعي بأخر الليل مركاي
يامعلمه يصعب عليك أتعليمه
الفكر سج وكوكب الجدي مرقاي
ماعوم بمواج البحور العقيمه
بعمق بحر للشعر عنوان مرساي
واقبح بحور الشعر بحر الظليمه
ماشرب منه لو راح عمري بلا ماي
الحر يفهم والبهيمه أبهيمه
وين أنت يالطيب منك نسمع الراي
قلي ترى قتل المشاعر جريمه
يامنتهى الشكوى لك أبديت شكواي
وبعد الغياب اللي ملى الجو غيمه
رجعت في رحلة عذابي ومنفاي .

موضوع: رد: بعد الغيــــاب ... 28/02/12, 05:24 pm

موضوع: رد: بعد الغيــــاب ... 02/03/12, 09:00 am

بارك الله فيكم
شكرا على المرور الكريم
بعد الغيــــاب ... 9_9

تحياتي