السلام عليكم حبيباتى
بحبكم اوى اوى . امبارح سمعت وصفه طبيعيه وبسيطه لتفتيح البشرة للدكتور سعيد حساسين وقلت انقلها لحبايبى انا لسه مجربتهاش على فكرة بس ناويه اجربها ان شاء الله
وهى
- (3ملاعق رز مطحون) من غير متغسلى الرز خالص لان فيه ماده زى الدقيق بتكون على الرز محتاجينها فى الوصفه
- (كوباية ميه مش كبيره)
- (ملعقة حبة البركه مطحونه )
والطريقه : تخلطى الرز المطحون مع الميه على النار
لغاية ميبقى زى المهلبيه كده طبعا مش هياخد وقت لانه مطحون وبعدين تضيفى عليه ملعقة حبة البركه المطحونه
وتدمجيها مع الخليط وبعدين تستنى لما يبرد شويه وتحطى الخليط على وشك وهو دافى يعنى مش لما يبرد خالص لا يكون دافى وتفرديه على هيئة ماسك لمدة تلت ساعه وبعدين نغسله بمايه دافيه ونجيب قشر البرتقال وتحطيه على وشك لمدة نص ساعه وقال بعد شهر هتشوفى وشك عامل ازاى
ويارب تكون الوصفه عجبتكم حبيباتى
وربنا يرضى عنكم يا قمرات
الرئيسية 
