ذبل ورد الغـــــــرام اللي على جال الزمــــان ومال ___ ذبل والتفت اوراقه جــــفاف ولا تلوميـنه
ذبل مهمل بكى باقي الشذا من غربة التـــــــــرحال __ بكى من قصة الوحده ويشكي وحشة سنيـــنه
مشى درب العطش عـــــــذقه تجفف والعطش قتال __على عينه نما حلمه و فجـــأه مات في عيـــنه
وانا مثله نما حلمي ومات الحــــــــلم قبل يــــــــنال __ على ماقيل مثل اللي طعن كفيه ب ايديــــنه
وطالت رحلة الشكوى وكن الصبر معــــــــها طال __ هقيت بالزمن ب افرح ولكن هالفــــرح وينه
اسوق الخطـوه العميا على درب الفرح رحــــــــال __ ولكن يالخــــــطى العميا دروبك ما تدليــــنه
وتهت امشي ولا ادري هو يمين الدرب والا شمال __ اتوه امع الشمال إلا .. اتـوه اكثر مع ايمينه
وأنا ارسم بسمة عيوني لمحة الدمع منــها ســـال __ عرفت إن الفـرح صعب ٍ تطوله عين مسكينه
آواخر هالزمن نغــدر وتـــنزل دمعـــــة الرجال ــــ حســافه منك يا دنـــــيا بعـــد عزه تــذليـــــــنه
ولكن هالزمن يمشي ونضرب بالزمان امـــــثال ــــ إذا أمنـت للغــادر تــرحى طـــعن سكـــــــينه
وأنا امنت لك ياللي هقــــــيتك للهجير اظــــــلال ـــــ عطيتك شي مايعـــطى ولا آظن تستحقينه
تسلطنتي على عرش الخفوق بدون جاه ومـــــال ـــــ وشفتك تـــامرين القلب من نــــظره وتنهينه
اصدق كل ما قلتي واكذب كل ما ينقـــــــــــــال __ ويطلع صدق ما قالوا وكــذب اللي تقوليــنه
حسافه يا منى قلبي حســـــــــــافه خابت الآمال __ كذا فعـــــــــلك مع اللي تحلـــــفين إنك تحبينه
اجل لامن كسب كرهك غريبه وش يصير الحال __ يجازي صدك بوصله وفي صــــدك تجازينه
مثل من يدفن الورده وهي فوق الثرى تخــــــتال __ ذبحها ما درى بإنــه ذبــحها في بســـــــاتينه
ومدام الحب من تالي يعلــــــــــمنا نـــكون انذال ـــــ يصير العاشق بجرحه كفـــــــيل ولا تحرينه
وكل انســــــان بالدنيا بحبه يلتقي عـــــــــــــذال ــــ ولكن صدمـــــته لا صار عذالـــه محـــــبينه
الرئيسية 
