حلويات سريعة التحضير

موضوع: حلويات سريعة التحضير 25/07/13, 07:06 pm

حلويات سريعة التحضير بالصور جديدة 2013 -2014

كوب زبدة
2 كوب سكر
كيس جيلي بالمانجو
4 بيضات
1/2 كوب مانجو مهروس أو مضروب في الخلاط بدون ماء
3 إلا ربع كوب دقيق
2 ونصف ملعقة صغيرة بيكينج باودر
ملعقة صغيرة فانيليا
كوب لبن

للحشو:

جيلي مانجو بارد (في قالب بنفس مقاس قالب الكيك)

الطريقة:
1- اخلطي الزبدة مع السكر بالمضرب لغاية ما يبقى الخليط عامل زي الكريمة، وبعد كده ضيفي حبيبات الجيلي مع الاستمرار في الخلط، لغاية ما كل المكونات تتجانس مع بعضها.

2- بعد كده ضيفي بيوريه المانجو والبيض مع الاستمرار في الخلط.

3- اخلطي الدقيق مع البيكينج باودر والفانيليا، وبعد كده ضيفيهم للخليط السابق مع الاستمرار في الخلط، وبعد كده ضيفي اللبن واضربي كل المكونات مع بعضها لغاية ما تحسي إن كلها تجانست.

4- هاتي الصينية اللي هتعملي فيها الكيك وادهنيها بالقليل من الزبدة وشوية دقيق، وبعد كده تخلصي من الدقيق الزيادة، وبعدين صبي فيها خليط الكيك اللي جهزتيه، وساوي السطح.

5- دخلي الصينية في فرن ساخن على درجة حرارة 180، وسيبيها تستوي لمدة نصف ساعة أو لغاية ما تحسي إنها استوت.

6- طلعي الكيكة من الفرن وسيبيها لغاية ما تبرد خالص تماماً، وبعد كده اقسميها بالعرض إلى 3 طبقات متساوية في الارتفاع.

7- حطي أول طبقة من الكيكة في طبق التقديم، وافردي عليها طبقة من جيلي المانجو، وبعد كده حطي طبقة تانية من الكيكة وكرري نفس الحركة مع باقي الطبقات، وبعد كده ممكن تزيني سطح الكيكة بالكريم شانتيه وقطع المانجو وقدميها.. وبالهنا والشفا.

كاسترد بالمكسرات
المقادير:

4 أكواب لبن كامل الدسم
1/4 كوب سكر
3 ملاعق كبيرة بودرة كاسترد
1/2 1 ملعقة صغيرة حبهان مطحون
مكسرات للتزيين؛ أي نوع أنت بتحبيه (جوز أو فستق أو عين جمل أو جوز الهند أو زبيب)

الطريقة:
1- سخني اللبن والسكر والحبهان في إناء، وسيبيهم على نار هادية لغاية ما يغلوا مع التقليب المستمر.

2- دوّبي بودرة الكاسترد في حوالي 4/1 كوب مية، وضيفيها تدريجياً إلى خليط اللبن والسكر والحبهان، وخدي بالك إنك في الوقت ده تكون النار هادية، وتقلبي بملعقة خشبية باستمرار علشان الخليط ما يلزقش.

3- سيبي الخليط ده يغلي على النار كويس، وبعد ربع ساعة شيليه من على النار، وضيفي إليه ماء الورد، ورجعيه تاني على النار لمدة خمس دقائق كمان مع التقليب المستمر.

4- بعد كده هاتي أطباق التقديم وصبيه فيها، وبعد ما يبرد زيني الأطباق بالمكسرات، وحطيه في الثلاجة وطلعيه عند التقديم.

السمبوسك الحلو
المقادير:

1/2 لفة جلاش
1/2 كوب زبد سايحة
1/2 كيلو جبنة ريكوتا
2 ملعقة كبيرة سكر
3/4 كوب شربات
2 ملعقة كبيرة فستق مفروم للتزيين

مقادير الشربات:

1/2 كوب سكر
3/4 كوب مية
عصير ليمونة
فانيليا

الطريقة:
1- اخلطي الجبنة الريكوتا مع السكر في طبق.

2- حطي رقائق الجلاش على سطح مستوي وقطعي كل ورقة جلاش لمربعات عرضها حوالي 4-5 سم.

3- خدي كل مربع وحطي فيها 2 ملعقة صغيرة من خليط الريكوتا في الوسط، واطوي كل الأطراف للداخل علشان تبقى على شكل وردة مربعة وبداخله الحشو، وبتكرري نفس الطريقة دي لغاية ما تخلصي كل اللي عندك.. وادهني طرف كل واحدة بشوية زبدة علشان تلزق.

4- هاتي صينية فرن وادهنيها بالزبدة، وحطي فيها مثلثات السمبوسك، وادهني سطح السمبوسك بالزبدة.

5- سخني الفرن على درجة حرارة عالية (220 مئوية)، ودخلي الصينية الفرن لمدة 30 دقيقة أو لغاية ما تلاقي إن وش اللفائف بقى ذهبي، وممكن إنك تحمريها في الزيت بدلاً من وضعها في الفرن.

6- خرجيها من الفرن، وصبي على كل واحدة ملعقة من الشربات البارد ورشي عليها فستق.

كنافة مقلية بالكريمة والفاكهة
مقادير الكنافة:

1/2 كيلو كنافة
زيت للقلي
كوب شربات
كوب كريمة مخفوقة
كوب فاكهة مشكلة (مانجو – تفاح – جوافة – كريز)

مقادير الشربات:

1/2 كوب سكر
3/4 كوب ماء
عصير ليمونة
فانيليا

طريقة عمل الشربات:
حطي السكر والمية كلهم مع بعض في إناء على نار هادئة لمدة ربع ساعة، وبعد كده ضيفي الليمون، وسيبيه لمدة 5 دقائق لغاية ما يغلي، وحطي الفانيليا وشيليه من على النار، وسيبيه لغاية ما يبرد.

طريقة عمل الكنافة:
1- اقلي الكنافة في زيت ساخن لغاية ما لونها يأخذ اللون الذهبي.

2- بعد ما لونها يبقى ذهبي شيليها من على النار وحطيها على ورق لامتصاص الزيت الزائد.

3- هاتي طبق الحلويات، وحطي فيه طبقة من الكنافة واسقيها بالشربات وهي سخنة وحطي طبقة تانية من الكريمة والفاكهة وطبقة أخرى من الكنافة وزينيها من فوق بالكريمة والفاكهة.

جيلي بالفواكه والبسكويت مغطى بالقشطة والشيكولاتة
المقادير:

فواكه مشكلة مقطّعة إلى مربعات صغيرة
4 علب جيلي (نوع واحد)
3 علب بسكويت
علبة قشطة
شيكولاتة مبشورة
كأس من الكريمة المخفوقة

الطريقة:
1- هاتي الفاكهة اللي عندك وقطعيها إلى مكعبات صغيرة، وبعد كده رصيها في الأطباق اللي هتقدمي فيها.

2- فضي محتويات علب الجيلي في إناء كبير فيه 3 أكواب من الميّة المغلية على نار متوسطة الحرارة مع التقليب المستمر لمدة عشر دقائق، أو لغاية ما تلاقي إن الجيلي بدأ يتقل، وبعد كده صبي شوية جيلي فوق الفاكهة.

3- بعد كده هاتي البسكويت ورصيه فوق الفاكهة والجيلي، بعد كده صبي باقي الجيلي فوق البسكويت، بعد كده حطي الطبق ده في الثلاجة لمدة 4 ساعات أو لغاية ما الجيلي يتجمد.

4- هاتي علبة القشطة وعلبة الكريمة واخلطيهم مع بعض كويس، وطلعي الطبق من الثلاجة، وادهني وشه بخليط الكريمة والقشطة، وبعد كده رجعيه الثلاجة تاني لمدة ساعة.

5- بعد ما تلاقيه جمد خرجيه من الثلاجة وحطي على وش الطبق شوية فاكهة أو شوية شوكولاتة مبشورة.

لقمة القاضي
المقادير:

كوب دقيق
كوب لبن
معلقة صغيرة خميرة
ذرة ملح
1/4 كوب زيت ذرة

مقادير الشربات:

1/2 كوب سكر
3/4 كوب مية
عصير ليمونة
فانيليا

الطريقة:
1- اخلطي الدقيق مع الخميرة مع الملح، وضيفي إليهم تدريجياً اللبن وهو دافئ.. واعجني المقادير دي كلها مع بعضها كويس، وبعد كده غطيها وسيبيها لمدة 3 ساعات علشان تتخمر.

2- بعد مرور 3 ساعات سخني الزيت، وبعد كده خدي معلقة صغيرة من العجينة دي واقليها في الزيت، وكرري الموضوع ده لغاية ما العجينة تخلص.

3- شيلي لقمة القاضي من الزيت، وحطيها وهي ساخنة في العسل أو الشربات، وبعد كده شيليها منه، وحطيها في مصفاة علشان تتخلص من العسل أو الشربات الزيادة.

4- بعد كده رصيها في طبق التقديم.. وبالهنا والشفا.

طريقة عمل الشربات:
حطي السكر والمية كلهم مع بعض في إناء على نار هادئة لمدة ربع ساعة.. وبعد كده ضيفي الليمون وسيبيه لمدة 5 دقائق لغاية ما يغلي، وحطي الفانيليا وشيليه من على النار وسيبيه لغاية ما يبرد.

كيكة بصوص الشيكولاتة
المقادير:
كوب سكر
كوب زيت
كوب ماء
4 ملاعق كبيرة لبن بودرة
4 ملاعق كبيرة كاكاو خام
2 بيضة
باكو فانيليا
كوب دقيق
باكو بيكينج باودر

الطريقة:
1- أول حاجة نضع كوب السكر وكوب الماء وكوب الزيت والكاكاو واللبن والفانيليا في الخلاط، ونضربهم مع بعض لحد ما يبقوا متجانسين ويدوبوا كلهم والسكر يدوب، وكمان ممكن تحطي المكونات دية شوية شوية علشان ما تبقاش كتيرة على الخلاط ويدوبوا كويس.

2- بعد كدة ناخد من الخليط ده كوباية كاملة ونخليها على جنب لوحدها.

3- نجيب بيضتين ونكسرهم على باقي الخليط اللي في الخلاط ونضربه تاني كويس.

4- نحط الخليط اللي ضربناه مع البيض في وعاء بلاستيك ونضيف عليه كوباية الدقيق والبيكينج باودر، ونعجنهم مع بعض جامد بالملعقة.

5- بعد كده نصب العجينة في الصينية وندخلها الفرن لحد ما تستوي (العجينة بتبقى سايلة شوية).

6- أوّل ما العجينة تستوي وتخرجيها من الفرن، بنجيب كوباية الصوص اللي كنا سيبينها على جنب وبنصبها على وش الكيكة وبنسيبها شوية.

7- بعد ما الكيكة تبرد ممكن نحطها في الثلاجة،

السويسرول
المقادير:
4 بيضات.
3/4 كوب دقيق.
3/4 كوب سكر.
ملعقة كبيرة ماء فاتر.
ملعقة صغيرة فانيليا.
ملعقة صغيرة ملح.
مربى للحشو.

الطريقة:
1ـ اضربي البيض بالمضرب كويس جداً لغاية ما حجمه يزيد، وبعد كده تضيفي السكر واضربيه تاني بالمضرب لغاية ما تلاقي البيض لونه افتَح وعمل زي الكريمة.

2ـ ضيفي الفانيليا والملح للبيض والسكر واخلطيهم مع بعض كويس وبالراحة جداً، وبعد كده ضيفي كمية الدقيق شوية شوية مع التقليب المستمر من تحت لفوق وبهدوء جداً.

3ـ أحضري صينية مدهونة سمن وحطي فيها ورق زبدة ورشي عليها طبقة من الدقيق، وبعدين صبي فيها العجينة وافرديها كويس جداً بحيث يكون سمك العجينة متساوي في كل جوانب الصينية.

4- دخلي الصينية في فرن ساخن، وسيبيها لمدة من 10 إلى 15 دقيقة لغاية ما لونها يحمر شوية وتعلى، واوعي تسيبيها كتير في الفرن لإنها ممكن تنشف منك.

5- في الوقت اللي العجينة فيه هتكون في الفرن، أحضري المربى وحطيها في طبق وقلبيها كويس لغاية ما تبقى سايلة وكثافتها قليلة علشان تعرفي تفرديها على العجينة.

6- بعد ما تطلّعي الصينية من الفرن حطي على وشها ورق زبدة واضغطي عليها بصينية تانية، وبعد كده قطعي بالسكينة الأطراف بحيث تكون متساوية.

7- افردي المربى على الوش، بس خلي بالك إنك تسيبي الأطراف نظيفة من غير ما تفردي عليها المربى.

8- لفي السويسرول بالراحة وممكن إنك تقطعي بالسكينة جزء صغير مسافة واحد سم من الناحية اللي هتلفي من عندها؛ لأن الطريقة دي هتسهل عليكِ اللف، وكمان ورقة الزبدة اللي من تحت هتساعدك وإنتِ بتلفيه، وبعد كده حطيه في الثلاجة.

9- بعد ما السويسرول يبرد قطعيه لشرائح وقدميه.. وبالهنا والشفا.

كيكة الزبادى
المقادير:
كوبين ونصف دقيق.
كوب ونصف زبادي كبير.
2 معلقة كبيرة سمن.
5 بيضات.
فانيليا.
كوب سكر.
باكو بيكنج باودر.
ذرة ملح.

مقادير الشربات:
كوب ونصف سكر.
2 كوب ماء.
نقط عصير الليمون.
فانيليا.

الطريقة:
1- لتحضير الشربات:
حطي السكر مع الماء على النار وقلبيهم لغاية ما السكر يذوب تماماً، وبعد كده ضيفي عصير الليمون وعلّي النار عليه؛ بس خدي بالك إنك تشيلي الريم أول بأول، وبعدين ضيفي الفانيليا واتركي الخليط لغاية ما يبرد تماماً.

2- اخلطي الدقيق مع الملح والبيكنج باودر والسمن.

3- اضربي البيض مع الفانيليا واخلطيه مع الدقيق والسمن.

4- اضربي الزبادي مع السكر وضيفيهم إلى خليط الدقيق، وقلبيهم مع بعض لغاية ما يتجانسوا، وسيبي الخليط لمدة ساعة.

5- صبي العجينة في صينية مدهونة سمن، ودخّليها الفرن على درجة حرارة متوسطة لغاية ما تستوي.

6- طلّعي الكيكة من الفرن، وسيبيها تهدى شوية، وبعدين صبّي عليها الشربات وهو بارد تماماً.

7- تقدم الكيكة في طبق التقديم وممكن تزينيها بجوز الهند أو الكريم شانتيه.. وبالهنا والشفا.

أم علي بالمكسرات

المقادير:

• 5 أكواب لبن حليب محلي.
• 5 رقائق جلاش.
• 2 معلقة كبيرة زبد.
• 3 معالق كبيرة كريمة لباني.
• نصف كوب زبيب.
• ربع كوب بندق.
• ربع كوب لوز.

الطريقة:

1- حطي الجلاش على صاج أو صينية للفرن وحمصيه في فرن.
2- أحضري البندق واللوز وحطيهم على صاج أو صينية للفرن، وحمصيهم في الفرن لمدة 4 دقائق.
3- في الوقت اللي أنتِ بتحمّصي فيه المكسرات سخني اللبن.
4- قطعي رقائق الجلاش إلى قطع متوسطة وحطيها في طاجن كبير، وضيفي إليها البندق واللوز والزبيب وبعد كده حطي اللبن في ثلثين الطاجن.
5- سخني الفرن حتى درجة حرارة متوسطة (200 مئوية)، وحطي الطاجن في الفرن لمدة 15 دقيقة أو لغاية ما تلاقي إن رقائق الجلاش بدأت في امتصاص اللبن.
6- خرجيه من الفرن وضيفي إليه الزبدة والكريمة من على الوش، ودخليه الفرن تاني لمدة 20 دقيقة أخرى أو لغاية ما تلاقي لونه بقى ذهبي خرجيه.. وبالهنا والشفا.

كيكة البراونيز بعين الجمل

المقادير:
2 بيضة
1/2 كوب زبدة
200 جرام شيكولاتة، وسيّحيها في حمام مائي ساخن.
1/2 كوب سكر
كوب دقيق
1/4 معلقة بيكينج باودر
1/4 معلقة فانيليا
1/8 كيلو شيكولاتة مقطعة لقطع صغيرة
1/4 كيلو عين جمل

الطريقة:
1- حطّي البيض والفانيليا في طبق، واضربيهم كويس بالمضرب الكهربائي.

2- بعد كده ضيفي عليه الزبدة والسكر والشيكولاتة السايحة، واضربيهم كلهم مع بعض.

3- اخلطي الدقيق مع البيكينج باودر وضيفيهم لخليط البيض، وقلّبيهم مع بعض بالراحة، وبعد كده ضيفي عليهم عين الجمل وقطع الشيكولاتة.

4- هاتي قالب الكيك وادهنيه بالزبدة، وصبّي فيه الخليط وساوي العجينة من فوق، وممكن تحطي بعض قطع الشيكولاتة على الوش ودخليها في فرن متوسط الحرارة.

5- سيبي الخليط في الفرن لمدة 30 دقيقة.

6- طلعي الصينية من الفرن بعد ما تتأكدي إنها استوت وسيبيها تبرد، وبعد كده قطعي البراونيز لمربعات صغيرة وقدميها.. وبالهنا والشفا.

------------------------------------

الأربعاء 27-03-2013 10:02 صباحا
6 اصابع تويكس + 3 كريم كراميل + 3 قشطه
وبنخلطو بالخلاط نصف بالصينيه شرائح كيك العائله ونصب الخليط فوق الكيك وبالثلاجه
الطريقة الثانيه:
حلى التويكس
3 الى 4 طبقات بسكوت مغمس بحليب مذوب فيه نسكافه
في الخلاط
2قشطه + 3 ملاعق اكل حليب بودره + ملعقه صغيره نسكافه +12اصباع تويكس
ونصبه فوق البسكويت وبالثلاجه
الطريقة الثالثه:
حلى بالبسكويت
بالخلاط
3علب قشطه + 3 فناجين قهوه سكر بودره + 3 فناجين قهوه حليب بودره

غمسي بسكوت بحليب ونسكافه
وصفي طبقه بسكوت وطبقه من الخليط واخر شي الخليط وترشي نسكويك على الوجه وبالثلاجه
الطريقة الرابعه :
بف باستري بالتمر
تجيبي البف باستري المربعات وتقطعيها لاربع قطع وتحطي كل قطعه بصينية الكيب كيك الصغيره

وتحطي فيها نص تمره
وتخلطي بالخلاط 4 كيري + شوي سكر وقرفه + بيضه + فانيليا وتصبي مقدار ملعقه اكل فوق التمره وتحطيها بالفرن بس من تحت
الطريقة الخامسه :
حلى الأيس كريم
تجيبي الكيك الجاهز بنكهة الشوكلاته وتفتتيه وترصيه بالصينيه وتضغطي عليه
بالخلاط 1 حليب بوني حق الشاي + 1 كريم كراميل + 1 دريم ويب + 1 علبه قشطه + سكر شوي وتصبيهم على الكيك وبالفريزر
الطريقة السادسه :
كيك سويسرووول
تجيبي الكيك السويسرول بنكهة الشوكلاته او الفانيليا (كل واحد السويسرول الاصابع ولا الكبير )وتقطعيه شرائح وتصفيه بالصينيه
بالخلاط
3 مارس + 2 قشطه + 2 دريم ويب
وصبيه فوق الكيك وبالثلاجه
الطريقة السابعه:
حلى القرفه
نص كوب دقيق + نص كوب سكر + 2 بيض + نص كوب حليب سائل + نص ملعقه شاهي قرفه + فانيليا + نص ملعقه اكل بيكنج باودر + ربع كوب زيت وينخلطو بالخلاط
ونصبهم بصينيه مدهونه وبالفرن من تحت ومن فوق
ولما تبرد تقطع

موضوع: رد: حلويات سريعة التحضير 29/07/13, 01:34 am

وصفات ممتازة

حلويات سريعة التحضير 12981210

شـكــ وبارك الله فيك ـــرا لك ... لك مني أجمل تحية

موضوع: رد: حلويات سريعة التحضير 29/07/13, 12:24 pm

بارك الله فيك
وجزاك الله خير الجزاء
على الطرح المميز
وعلى حسن الإختيار
ننتظر منك كل جديد

حلويات سريعة التحضير 553256548

» حلويات سريعة التحضير
» بيتزا سريعة التحضير
» سندويتشات سريعة التحضير بالصور
» حلويات سورية سهلة التحضير خطوة بخطوة بالصور
» نكت سريعة