السلام عليكم و رحمة الله وبركاته
هانا جيت من بعد هاد الغيبه
مرحبا بيا صحه بغيتو ولا كرهتو موتو بالسم يا لمسمومين
درتو شي بسالات فاش ماكنتش آه آه اه???
هانا جيت بعد الهرج والمرج والدجل والعجل و العجول لي تدبحو فهاد الصيف
وماكلينا منهوم تا ضغمه
ماحشمتوش ديرو العراضه وتخليوني ماشي مشكل حسابنا من بعد
كيدرتو يا هاد القوم مع رمضان وياماتو و صهدو وجوعو والعطش ديالو
وكيدرتو مع الاجر ديالو و الصلاه و الزكاه
واش كاين شي ولا والو غير خرج رمضان قطعتو كولشي ؟
ولا غير السم كايدور
خلا فيكوم رمضان شي حاجه ولا غير العظام ؟
آآآح منكوم ياموكروش
راني عارفاكوم نهار العيد تكونو نزلتو على الماكلا لي شاطت من لبارح كاملا صرطتوها بالغدايد
لمهم دابا كولشي فات الله يثبت الاجر و يطول عمرنا تا نصومو رمضان الجاي ان شاء الله
ويلا متنا الله يرحمنا و يغفر لينا
آميييييييييييين
آجيو نهضرو شويا على المسمومين و الانواع ديالهوم و المشاكل لي كايعانيو منها مساكين
حيت راهوم ممحنين وعندهوم مشاكل لي خلاتهوم يكونو هكاك
الله يحسن العوان وصافي ويشوف من حالهوم
دابا كاين المسموم لي كايجي عندو شي مسكين مافحالتوش
يطلبو عافاك الله يرحم الواليدين شي بركه
ويقولو سير سير لقيتها تانا بنتليك خدام فميريكان ؟! Gاليك شي بركه
داخلت عليك بالله ياهاد المسموم واش تا عشرة دريال غلباتك الله يعطيك الدل شوهتي براسك فستار ماحشمتيش يا قليل الاصل ؟
وابآز
الله سبحانه وتعالى نهانا على هادشي ايلا جا عندك شي مسكين اضعف الايمان
سكتنا وهنينا من صداعك وسد فمك
دير خير فالمجتمع
وكاين المسموم لي كايطلبو صاحبو على غرض ضروري مزير فيه مسكين ويبدا يتلوا
وانا ماعنديش الوقت وخاصو وخص خصو تنخصك الدبانه فخصك ان شاء الله
آنكار الخير
هنا كاتبان الصحبه ديال الصح ولا غير الفم نتا عشيري نتا نتا نتا فالتالي يلقا الخوا الخاوي
ملي يوصلو للمعقول
وكاين لي كايبغي غير همو وشغلو الله يستر الانانيه معششه ليه فمخو
لاحياة لمن تنادي هادا بدون تعليق حالتو ميؤوس منها
وكاين يا سيادي لي مامسوقش ماراهش هنا عايش عالمو بوحدو الله يستر
ان لله في خلقه شؤون
كاين لي كايدبر على المشاكل لعباد الله حيت بقاو فيه شافهوم عايشين فالروتين
وباغي يحيد عليهوم القنط وعطاهوم شي حاجه يتلهاو فيها فهمتو راكوم عارفين مع الوقت
الله يحفظنا من داك النوع
تف تف تف تف
كاين لي ديما كايتهرب ماخاصو صداع
حاضي جنابو
كاين لي مقشف الريال مايزهق الله يعفو على الحاله كسي غير راسك دير فعظامك خير
وكاين هاد العضو(ه) لي ماقاد يدير رد على هاد الموضوع مقشف على صبيعات يديه
وادير آوا الرياضه دابا يشدك الكريز راني شريفه وحالا قبه
مع تحيات الجمعية الديمقراطيه للمساليات Vييييو
الرئيسية 
