سندويتشات خفاف كيدوبو فالفم / من مطبخي /

هاد السندويتشات كيجيو خفاف بزاف ولداد كيصلاحو لعشا وحتى لوليدات للمدرسة

*المقادير*

- نص كيلو دقيق ممتاز - 2 معاق كبار حليب غبرة /نيدو / - 3 معالق كبارزيت -

- ملح - معلقة كبيرة خميرة / معجونة / محلولة فشوية الما دافي مع معلقة صغيرة سكر -

- الما دافي باش نجمعو العجينة تكون مرخوفة شوية و مدلوكة مزيان



كنغطيوها ونخليوها تخمر

* الحشوة *

بصلة مشلضة شحرتها مع شوية الزيت البلدية ومللي هبطات ضفت خيزو محكوك

وشوية الملح والابزار وخليتهم يطيبو شوية فوق عافية مهيلة وطفيت العافية وضفت

البيض محكوك انا بغيت الحشوة خفيفة وانتم لكم الاختيار تضيفو الفروماج والزيتون



هاهي العجينة خمرات



كنعملو كويمرات صغار ندهنوهم بالحليب مع نص معلقة صغيرة سكر كلاصي

كنخليوهم يخمرو وندخلوهم للفران نخليكم مع الطريقة بالصور









نبسطوهم شوية باليد وندهنوهم ونخليوهم يخمرو



وهاهما خمرو



وهاهما مللي طابوكيجيو رطبين وخفاف بزاف



وهذا الشكل النهائي





بالصحة والراحة