كب كيك فانليا

موضوع: كب كيك فانليا 28/10/11, 08:33 am

المقادير

3 بيضات
كوب إلا ربع لبن
نص كوب زيت
فانليا
رشة ملح
كوبين إلا ربع دقيق
معلقة ونص صغيرة بكينج بودر

الطريقة
أنا بضرب كله مع بعض في الخلاط
ماعدا الدقيق والبكينج بضيفه في الآخر وأديهم ضربتين خفاف

وذوقتها بالكريمة الجاهزة البودرة
وكان كويس معايا باكو وبدل ما أضربها مع اللبن أو الميه ضربتها مع نص كوباية عصير مانجا جهينة(فنجان صغير)

ورشيت فوقها جوز هند

وطبعا بتعمليها في صنية الكب الكيك أنا معنديش ورق الزبدة فببطنها بدقيق وزيت أو زيت بس

وعلى درجة حرارة 180 وبسخن الفرن قبلها بخمس دقيق
وبتاخد معايا نص ساعة

وبعمل كب كيك الشكولاته نفس الحكاية مع فرق إني بضيف 3 معالق كبيرة كاكاو مع الدقيق وصلصة الزينة بتبقى شكولاته

موضوع: رد: كب كيك فانليا 28/10/11, 03:22 pm

تسلم ايدكعلى الوصفة

موضوع: رد: كب كيك فانليا 28/10/11, 03:52 pm

الله يعطيك العافية
جزاك الله خير
دمت ودام عطائك
والقادم أحلى