السلام عليكم ورحمة الله وبركاته
محاورة بين الشاعرين تركي الميزاني // عبدالله بن عتقان السلمي
وغلاء المعيشه
عبدالله بن عتقان السلمي
ياويل تركي ومستور بكرة ليا صـار كلبيـش
بكرة يحـرج عليكـم زيـن لوزيـر التجـارة
تبغون زود الرواتب بالله زيـادة علـى ويـش
أنته رصيدك ملايين وأنتـه ثنعشـر عمـارة
تركي الميزاني
حنا نعد الحقيقة والصـدق ياخفيـف الريـش
وأنقولهـا لـك هنيـا وأنقولهـا فـالـوزارة
اتجارتك يابن عتقـان جمعتهـا بالبخاشيـش
من حـد جـدة وبحـرة لاحـد وادي ستـارة
عبدالله بن عتقان السلمي
الغرفة أثنين فثنين وأنتـه وعـودك مكاميـش
ويجيك بلطان يهـرج والا ريـاض الشـرارة
أنا مواطـن مسالـم تسدنـي لقمـة العيـش
ياتركي أخدم بلادي والربـح مثـل الخسـارة
تركي الميزاني
أنته من أهل عليشة وتسجل الصوت بشويـش
لكـن سجـل وسجـل وأخبـر مديـر الأدارة
حنا حماة الجزيرة بأمـر الرجـال المداغيـش
وأخوان نورة نسدنا لأن جات غـارة وغـارة
عبدالله بن عتقان السلمي
بكرة نناديك بدري ونجيب كهرب مـن الفيـش
وأنحطها في جنوبـك حتـى تكـب الشطـارة
أفرض يناديك نايف ويقول الأعـذار مافيـش
الصبح يعطيك باكور والعصر يصـدر قـرارة
تركي الميزاني
أنا سعودي محنك ماني من أهـل الطرابيـش
وأمرك ماهو بأمر سلمان أمير نجد وشعـارة
نايف على الرأس والعين ويدوم للشعب ويعيش
وأنته سلمي(ن)ضعيف تونس بكبـدك حـرارة
عبدالله بن عتقان السلمي
أنته سعودي محنك ما أنت النبي صفوة قريش
قدام سلمان يـدري صلـوا صـلاة أستخـارة
لو أن خصمك ضعيف ما قفلت معك بالشيـش
لكن والله ما ألومك مطرود فـي كـل حـارة
تركي الميزاني
ودك تسوي قضية لكن حتى أيش حتـى أيـش
مايكسبـون الصـدارة الا رجـال الـصـدارة
قض الليالي وخلك في كل شاطـي وكرنيـش
وأترك ثياب البداوة وألبـس ثيـاب الحضـارة
ممـــا راق لي
الرئيسية 
