قصيدة حامد زيد

موضوع: قصيدة حامد زيد 11/12/11, 09:19 am

تبيني صدق وإلا ما تبيني
قبل لا أبهذلك وتبهذليني

وقبل لا أفقد شموخي واحترامي
وقبل لا أشمت العذال فيني

أنا داخل عليك من الفضايح
تبيني صدق وإلا ما تبيني

أنا ماني بلعبة في يدينك
متى ما تعشقيني تعشقيني

أبيك إن كان جيتيني حبيبه
تجيني بصدق وإلا لا تجيني

أنا ما أجرح مشاعر من عشقني
ولا أرضى لي عشقتك تجرحيني

ما دام إني عطيت بكل قلبي
مثل ما أعطيك من قلبي عطيني

وإذا بعت العذارى واشتريتك
تبيعين الرجال وتشتريني

عشان أكون صادق لي عشقتك
وعشان أريحك واتريحيني

دخيل الله وقولي وبصراحه
تبيني صدق وإلا ما تبيني

أنا ما جيت ألعب وأتسلى
أنا جيت أحتويك وتحتويني

تبيني مثل كل الناس وإلا
تبيني أقدرك واتقدريني

مثل ما أستحملك لامن زعلتي
إلى مني زعلت استحمليني

عرفتيني وأنا رجال وافي
وأنا وافي قبل لا تعرفيني

أحب الصدق لو هو من عدوي
وأعاف الكذب لو من والديني

مثل ما أقبل بليني وبشموخي
لو أكره رحت بشموخي وليني

إذا عن عاذلي ديني ودينه
وإذا عن غريتي دينه وديني

أنا لي ثارت الغيرة بقلبي
تقول الجن الأزرق معتريني

أبي وأنتي معي منتي لغيري
وإذا كنتي لغيري جنبيني

أغيب وتذكريني بالحشيمه
ولا أمرح في ذراك وتلعنيني

طويلين الشوارب ما احقروني
تبيني أنتي تجين وتحقريني

إذا نفسي رضت لي بالمذله
أبذبحني قبل لا تذبحيني

مادام إني وفي كوني وفيه
لأني ما أخدعك لا تخدعيني

أنا لي أخذت قدري واحترامي
خذيني مثل ما تب تاخذيني

تبين بخوتي سيف(ن) مجرب
وإذا بمروتي ليث بعريني

,,,,,,,,

فإن ألفيتني شهماً شجاعاً
فليس البر أن تستضعفيني

فإني ذقت بالآلام ذرعا
وما في الغدر رمح يتقيني

أكف الدم الحزنا بعد حزن
عشقت القمعا حيناً بعد حيني

لعمري كم حيوت الناس قلبا
وما في الناس قلب يحتويني

أنا الحزن الذي لا حزن بعدي
ولا يغني حنين عن حنيني

فلا من كان قبلي كان قبلي
ولا من قد يليني قد يليني

أنا المملوء حزناً وانكساراً
وما فرطت في عرضي وديني

أنا المختال من فخري بفقري
وتبت كل عين تزدريني

أنا من ذاق ملئ الأرض هوناً
وما أخضعت للدنيا جبيني

فإن جاءت بي الأقدار يوماً
أجوب الأرض خوفاً من أنيني

فروفي واحفظي لي ماء وجهي
ولا تخشيني واخشي الله فيني

فلو أني رجوت الله شيئاً
فأرجوا الله أن لا تظلميني

,,,,,,,,

علشان إن عشقت أعشقك كلي
أبيك كلك تجين وتعشقيني

فلا تقفي عيونك عن عيوني
ولا تدفي يديك إلا يديني

أكون أقرب لقلبك من عروقك
وأحسك بين شرياني وبيني

أسامح لك خطاك إليا خطيتي
وأنا لا من خطيت تسامحيني

ولك مني عهد ما أصد عنك
وأبي منك عهد ما تخذليني

عشان أبقى معاك العمر كله
وأشيل محبتك برموش عيني

أنا بحلف يمين إني لصونك
فلا أخونك ولا أرد بيميني

وعساني للهلاكـ إن خنت وأنتي
عسى الله يلعنك لو تتركيني

موضوع: رد: قصيدة حامد زيد 15/12/11, 06:28 pm

ابيات رائعة جدا

تسلم اناملك

بانتظار جديدك المميز

» قصيدة للسودان
» قصيدة الحب
» قصيدة للجزائر
» قصيدة في مدح بني هاجر
» قصيدة زين العابدين