اليوم سوف اقدم لكم نكت مغربية خدامة 100/100 و هي الحصة 4
واحد سخي بزاف تحرقات ليه دارو
ملي جاو البومبية قال ليهم والله يما تحطو ايديكم فشي حاجة قبل ما تشربو القهوة
هادا واحد كيجري مورا التران، يطيح وينوض، يطيح وينوض
الناس كاملين اللي راكبين ف التران كيموتوا عليه بالضحك
ناض واحد طل عليه من الشرجم وقال ليه: وبركة أصاحبي، راه قتلتينا بالضحك
قال ليه هاداك الراجل: إيوا دابا تموتوا بالخلعة راه أنا الشيفور
هادا واحد الولد جالس ف بلاكة الطوبيس كيكمي وحداه مرا شارفة
المرا عيات مسكينة من الدخان وقالت ليه:
شوف أولدي، واش ف راسك نتا اللي كتكمي كتدي عشرين بالمية من النيكوتين وأنا اللي كنشم الدخان كندي تمانين بالمية؟
الولد بقى يشوف فيها، شوية وهو يمد ليها ڭارو وقال ليها: الحاجة، خودي نتي عشرين بالمية وعطيني أنا تمانين بالمية
هادا واحد شرى حاسوب (بي سي) باقي جديد، و هو تسولو جداه: أشنو هادا أوليدي؟
قال ليها: جدة كتعرفي الرابوز؟
قالت ليه: آه أوليدي كنعرفو
قال ليها: إيوا راه ماشي هو هادا
هادا واحد الراجل كان غادي ف الصحرا، راكب حمار ومعاه كلب
وهوما ف الطريق، هدر الحمار وقال للراجل: واش مازال الطريق بعيدة؟
الراجل تصدم وشداتو الخلعة، أو! حمار كيهدر؟ هي مسكون!
ناض الراجل يجري يجري يجري يجري وتابعو كلبو
ملي عيى وهو يوقف.
وتما قال ليه الكلب: وايني خلعة خلعنا هاداك الحمار
هذا وحد المش مبوق تابع واحد الفار، وهو يهرب ليه وطلع مع القادوس.
تخبى المش ساعة ساعتين ما نزلش ليه الفار.
شوية هو يفكر مزيان وقال: هاو هاو هاو هاو.
الفار قال مع راسو: ما دام الكلب جا إذا المش هرب.
وملي نزل الفار لقى المش كيتسناه وكلاه.
وهو يقول المش مع راسو: الواحد في هاد البلاد إيلا ما كان عندو جوج لغات ما ياكلش طرف الخبز
هادا واحد مسموم مشى لواحد الجنازة و بدا يبكي يبكي يبكي. سولوه الناس: واش كتعرف هادا اللي مات؟
قال ليهم: لا، و لكن سمعت بأن البكا كيعدب الميت
هادي واحد المرا سولات راجلها: متكدبش علي تصور مت آش غادي يوقع فيك؟
الراجل: نحماق ونتسطى ألحبيبة ديالي ويخخخرج لي العقل
المرا: و زعما تعاود تزوج وحدة أخرى؟
الراجل: إيوا شوووووفي حماقي شنو غادي يقول لي
واحد المسموم عندو طاكسي. طلق مرتو، و مللي مشى يوصّلها لدار بّاها خدم ليها الكونتور
واحد المسموم جرى عليه بّاه من الدار. ناض كتب على باب دارهم: مقر تنظيم القاعدة
وصلنا الى اخر الحصة اتمنى ان تعجبكم النكت
و الى اللقاء الى حصة اخرى
ان شاء الله
الرئيسية 
