اولا المقادير
1-نص كيلو بانيه
2-بصله مبشوره
3-ملح وفلفل
4-مسطرده
5-ليمونه واحده
6-كريمه لباني
7- دقيق بسيط
8- معلقه سمنه ومعلقه زيت
نقول الطريقه بقي
اولا نتبل الفراخ بالبصل والملح والفلفل
ونسيبهم احسن شويه ممكن نص ساعه
وممكن تتعمل على طول بس الافضل تسيبيها
وبعدين نحاول نخلي جزء بسيط من التتبيله علي جانب
علشان هنستخدمها علي النار
ثانيا نحط عصير الليمونه علي الكميه كلها يعني تقريبا نقطتين
علي كل حته وبعدن ندهن الوش والظهر بتاع قطعه البانيه
بمسترده بس علي خفيف اوي
وبعدين نعفرهم في الدقيق وش وظهر
وبعدين نحط معلقه السمنه ومعلقه الزيت وتسخن
وبعدين ننزل بالفراخ وتحمر علي الوشين
وبعدين ننزل بباقي البصل ويتشوح معاهم
ممكن ترشي رشه ملح وفلفل علي حسب الرغبه
وبعدين افتح علبه الكريمه اللباني وانزل بيها
ووطي شويه صغيرين
يادوب الصوص يتقل وتتشال من علي النار مش هتاخد وقت خالص
الرئيسية 
