ماسكات طبيعية للعناية بالبشرة الحسّاسة

ماسكات طبيعية للعناية بالبشرة الحسّاسة
اللبن والزبادي لترطيب البشرة:
دايما لازم نهتم إننا نرطّب البشرة الحساسة باللبن أو بالزبادي المخلوط مع ملعقة عسل، وبلاش نسيبه على البشرة لفترات طويلة؛ يعني ممكن نكتفي بربع ساعة، وبعدين نشطف الوش كويس أوي.

الموز والجزر لتهدئة البشرة الحسّاسة
الموز من الحاجات المفيدة للبشرة الحساسة، وده ممكن نخلطه مع اللبن، وممكن نضيف له ملعقة عسل أو لأ على حسب رغبتك، وبعدين نحطّه على البشرة، والماسك ده بيهدّي البشرة جدا.

ومن الحاجات المفيدة جدا للبشرة الحساسة هي خليط الجزر مع اللبن أو مية الجزر فقط، واللي بنحصل عليها بعد ما نغلي الجزر، وده بيهدّي البشرة جدا، وكمان النشا مع الميه ومية الورد يعتبروا ماسك هايل جدا للبشرة الحساسة.

وممكن نعمل الماسكات دي كلها في أي وقت من اليوم، أو بعد ما نرجع من أي مشوار، بس أهم حاجة إننا مانسيبش الماسكات دي أكتر من 15 : 20 دقيقة، وده على الأكتر، وبعدين نشطف وشنا كويس أوي.

البشرة الحسّاسة كمان بتنفع معاها أوي منتجات الأطفال الخاصة بالبشرة فقط، لكن بالنسبة لمنتجات الشعر بتختلف تماما، وماينفعش إن الكبار يستخدموها.

جزاك الله خيرا

وادخلك الله جنتة

وجعل مجهودك فى ميزان حسناتك

شكرا للنصائح الغالية بانتظار المزيد سلمت يداك