جهزى لشهر رمضان

موضوع: جهزى لشهر رمضان 17/06/13, 05:26 am

السلام عليكم ورحمه الله و بركاته

جهزى لشهر رمضان 3TuV1

النهارده حبيت اخدكم معايا في جولة في الديب فريزر عندي ...

حتشوفوا حاجات انا فرزتها لرمضان ان شاء الله و حاجات انا بعملها كل شهر للاستخدام العادي في البيت

يلااااااااااااااااا جهزى لشهر رمضان R4nnZ

اتفضلوا الفيديو ده عملته مخصوص علشانكم و جولة في ديب فريزر همووووس :D

جهزى لشهر رمضان OSwM1

ورق العنب

بغسله كويس و اسلقه في ماء و ليمون و كمون و بعدها اشيل العود بتاعه و احفظه في اكياس

البسلة بالجزر جهزى لشهر رمضان XzjVe

انا بفصص البسلة و اقطع معاها الجزر و اغسلهم كويس و اصفيهم و اعبي في اكياس و عالديب فريزر

و علي فكره بعمل الملوخية كده كمان بعسلها و اصفيها و اشيلها ورق و لما تطلع عالكبه فورا و تبقي زي الطازه تمام يا فتوكات و احيانا بضربها في الكبه الاول و اشيلها في الاكياس ...

الموز

جهزى لشهر رمضان GDwQC

اليومين دول الموز رخيص و العيال بتحب الموز باللبن او الفراوله بالموز عملت شويه اكياس موز و برضه عالديب فريزر فورا

و لاني كلي شطاره فيقي الشوربه لا يمكن تترمي بحطها في اكياس و بتنفع في يوم بعمل اكل و معنديش شوربه

جهزى لشهر رمضان 53BLW

و النبي انا شاطره بجددد :D

و علشان الساندويتشات عملت اجمل مربى فراولة و كنت نزلت لكم الطريقه في فتكات من قبل

جهزى لشهر رمضان Su4Aq

و ادي علب المربي في الديب فريزر .. و كل ما تخلص العلبه اللي في الثلاجة اطلع غيرها ...

و دي فراوله صحيحة علشان العصير كمان

جهزى لشهر رمضان Bv0Le

الدجاج

بجيب فراخي بالشهر و كده بتكون اوفر جدا و ابدأ بقي اعمل منهم البانيه و اتبله و اشيله متبل جاهز

و الدبابيس لوحدها بعمل بيها احلا كنتاكي في يوم تاني

غير بقي الكبد و القوانص دي حكايه و دي بعمل بيها مليون حاجه ...

و الهياكل لعمل الشوربه الجميلة ... طبعا غير الحتت الصغيره اللي بعمل بيها كفته فراخ و احيانا شاورمه فراخ ...

الكبده

جهزى لشهر رمضان Mtfeb

بغسلها بالليمون كويس و بعدها اتبلها بالثوم و الفلفل و الشطه و عالديب فريزر جاهزة للقليه فورا او بقطعها حتت صغيره لو حعمل كبدة اسكندراني

الطماطم

جهزى لشهر رمضان CBWnv

دي بستعملها و انا بسلق اللحمه و الفراخ و ممكن اضربها و اعمل بيها عصير طماطم للطبيخ ...

اما الثوم انا فرمته و حطيت معاه ملح و شطه و كمون و فلفل اخضر رومي و عبيته في برطمانات و علي الوجه حبه زيت و رصيتها في باب الثلاجة و بتفضل معايا كده زي الفل لحد ما يطلع الثوم الجديد ...

الشبت و البقدوس بقطعهم و بحفظهم كده في اكياس و بحطهم في الفريزر عادي و بيطلعوا طازه جدا لا تقلقي ... اما عن البرتقال جبت منه عشرة كيلو و عصرته و حطيت عليه سكر و عالفريزر برضه و بحط قشر البرتقال مع الجبنه القديمة بتديها طعم جميل و بستعمله كمان مبشور للكيكه ....

الليمون بعصره و اشيله في مكعب الثلج اللي في الفريزر و بعدها اجمع المكعبات دي في اكياس و برضه بحطه في الفريزر و بطلع حسب طلبي و قشر الليمون بحفظه في اكياس و استخدمع لما بقلي سمك بيعمل ريحة حلوة و بيضيع ريحة السمك خالص ..

جهزى لشهر رمضان NZMW8

و كل سنه و انتم يارب دائما طيبين .. دعواتكم ربنا يسترني و يبارك لي في اولادي و يرزقني بالحلال ان شاء الله

موضوع: رد: جهزى لشهر رمضان 17/06/13, 02:45 pm

گل آلسعآده وآلخير آتمنآه لگم آعضآء آلمنتدى آلگرآم

دمتم پخير وصحه وعآفيه

تسلمون على مآتقدموه من موآضيع رآئعه

جهزى لشهر رمضان 303479109

» فطائر لشهر رمضان
» هل فكرت لشهر رمضان
» ثيم جميل لشهر رمضان
» حلى السجادة بينفع لشهر رمضان
» اروع الخلفيات لشهر رمضان