يا نسيم الصباح

يا نسيم الصباح أرجوك خذ هالرساله
واعطها للي متمكنن في كياني
صاحباً بين كل الخلق مرضى بداله
لو يجون جميع الناس قاصي وداني
الصديق العطوف اللي ملكني دلاله
في غلاته تفوق عن جميع الغوالني
اعطه اخر علومي وسأله كيف حاله
وكتم السر لايدريبه انسان ثاني
قله البعد حده والزمن ماصفاله
واخبره عن وصولي وشهو اللي حداني
كان خلي مع دنياه سالي وداله
اشهد اني عقب فرقاه همي دهاني
قله انه بوسط القلب باقي لحاله
ماتغير غلاته لو يطول الزماني
ودي انك عن الهجران تكفى تسأله
مرلي مدتاً والعلم ماعاد جاني
كان من ينقل النمات عني حكاله
والله انه ببهتان الظليمه رماني
ثم قله وش اللي من طرفنا جراله
وسأله وين ذاك الود وين الحناني
ان تنكر عن المظمون واخفى مقاله
اعلم انه تندم واختبط فالبياني
وان تفاعل وقدم حجته واعتزاله
يعتبر عشرته هانت وقلبه نساني
ادري ان الجفاء ماكان يطري بباله
فيه ناساً لهم فالصد دوراً وشاني
غيرو غالياً كان الوفاء راس ماله
وختلف عن مسيره صاحبي في ثواني

السلام عليكم ورحمة الله

كل الشكر لك أخي الغالي على الموضوع المميز

جزاك الله خيرا ان شاء الله على ما تقدمه لمنتدانا الحبيب


تقبل مروري المتواضع وفي انتظار جديدك

تحياتي وتقديري