قصيدة مآني بمغرور لشآعر حمد البريدي

قصيدة مآني بمغرور لشآعر حمد البريدي

السلام عليكم ورحمة الله وبركاته

رأقت لي هاذي القصيدة وحبيت اقدمها لكم

وهي قصيدة مآني بمغرور لشاعر حمد البريدي

ماني بَ مغرور ياراعي المقالة
. . . . لا تحكم بوجهي وعرضي وطولي !!

قلت وش دراك ؟ قال فلان قاله
. . . . اشهد ان خيله ماهي تسبق خيولي !!

واحدٍ ماتعرفه وتجلس قباله
. . . . لا تعذرب به ولا تصبح فضولي !!

ان جهلت الشيء وش لك في جداله
. . . . الا كنه مضيقٍ جوفك وصولي !!

روحّي بي يالهجوس بكل حاله
. . . . وفوق درب الصعب خبي ياذلولي !!

ماخذيت من القصيد الا زلاله
. . . . و ماتعبت الا على الدور البطولي !!

من طلبني تم والحاجه فدا له
. . . . ومن زهم يزهل حموله في حمولي !!

ان بغيت اغيب لي مركز وهاله
. . . . وان نصيت اخوان شما وقفوا لي !!

الرجل ماهوب في رزة عقاله
. . . . الرجل بالعزم والفعل الرجولي !!

لي قبولي في عيون اهل النباله
. . . . وانت عندك مايشرفني قبولي !!

حي منهو لا برك للحمل شاله
. . . . والله انه عزوتي مادام حولي !!

من خوا للشعر مايشرب حثاله
. . . . ياخذ الفنجال من صافي فعولي !!

اقفل عيوني من الشعر ومجاله
. . . . والخلايق تختصم وتعيد قولي !!

قاله المتنبي وذلحين قاله
. . . . واحدن ما يعرف اللعب الطفولي !!

العرب صنفين في كل انفعاله
. . . . ان حكو بي بالقفى والا حكوا لي !!

والحسد والحقد وعلووم الجهاله
. . . . والله ان كنها تصحي بي خمولي !!

علم اللي حكاه عنده راس ماله
. . . . ارتفاعي بالفكر يهزم نزولي !!

طايع(ن) ربي ومستانس وداله
. . . . ومرضي(ن) امي وابي فعلي وقولي !!

كل عقل يعيش في كيفه وفاله
. . . . مآحدن مغصوب يسمع لي ويولي !!

واحدٍ يفرح بي وفاحت دلاله
. . . . واحدٍ يرتااع لامن شاف زولي !!

هيـه..انا من راس قوم ولي جماله
. . . . لاني ملقط فريق ولا بهولي !!

ودام راسي حي موتو يالحثاله
. . . . والله ان ابطي وانا قاهر عذولي !!

سلمت اناملك الرائعه على هذا النثر الرائع كروعتك
ابدعت واكثر
دمت ودام نبض قلمك
لك تقديري..

» قصيدة الحب
» قصيدة حامد زيد
» قصيدة للسودان
» قصيدة للجزائر
» قصيدة في مدح بني هاجر