وانا مالي

موضوع: وانا مالي 07/10/11, 03:00 pm

وانا مالي كلمة بسمعها كتير

لما تلاقي واحد صاحبك بيعمل حاجة غلط

فمن الواجب عليك تنصحه مش تقول وانا مالي

وتقول ماهو عارف ان كده غلط وتسيبه وما تحاولش حتي تنصحه

لعلك تكون سبب في هدايته فعليك ان تأمر بالمعروف وتنهي عن المنكر

وانت لما تشوفي واحدة صاحبتك لبسها مش كويس ولا بتكلم ولاد

ليه مش تنصحيها ليه سيباها كده ؟ ليه مش تحاولي تنصحيها ؟

ليه تقولي وانا مالي ؟ مش ممكن تكون البنت دي جواها خير بس مش لاقية

اللي يهديها للطريق الصح

بما انك مسلم فااذا انت داعية انت في كليتك داعية

وانتي كمان داعية وانتي حتي في بيتك داعية

فانت كأم بتوجهي الابناء للصح وتمنعيهم عن الغلط

وانت كطالب في كليتك بتوجه اصحابك للصح ليك واحد صاحبك بيكلم بنات

وبيشرب سجاير فمن واجبك والمفروض عليك انك تنصحه مرة واتنين وتلاتة

وبلاش كلمة وانا مالي لو انت قلت وانا مالي وانتي قلتي وانا مالي وانا قلت وانا مالي

طيب وبعدين فين واجبك ؟

نحو اخواتك واصحابك ليه ماتكنش انت الداعية للحق

من رأي منكرا فليغيره بيده فان لم يستطع فبلسانه

فان لم يستطع فبقلبه وذلك اضعف الايمان

للموضوع بقية

موضوع: رد: وانا مالي 07/10/11, 03:02 pm

في كتير مننا اتعرض للمواقف دي ممكن يقول وانا مالي

بس في ناس عملت الصح و قدمت النصيحة وفي ناس تانية وقفت محلك سر لا تامر

بالمعروف ولا تنه عن المنكر

ممكن تقول انا مش بعرف اكلم حد وما ليش فى الدعوة

اقولك لو مش عندك روح الالقاء والدعوه

ممكن التوزيع الخيري للكتيبات والمطويات و يجعله الله في ميزان حسناتك و تكون

كصدقة جارية

انا هحكى لكم موقف اوضح لكم فيه دور الكتيبات اذا كنت لا تملك القدرة على الدعوة

احنا فى الجامعة لنا زميله مش محجبة وكان لى صديقتين حريصتين جدا على اقناعها

بان الحجاب فرض

فقاموا بتقديم كتاب لها علشان يساعدها في اتخاذ قرار انها تلبس الحجاب

و بفضل الله لبست البنت دي الحجاب و بصراحة كانت مفاجئة للجميع

و عارفين لبست الحجاب ليه ؟

لان فيها خير وان البنتين دول ما استسلاموش اسال الله ان يبارك فيهما

عاوزة اوصل معاكم لنقطة لو كانت البنتين دول قالوا واحنا

مالناتفتكروا كان ايه هيكون

موقف البنت دى لو كانت ما لاقتش حد يرشدها للطريق الصحيح ؟

وعلي فكرة مش شرط الغلط ده يكون بين الاصحاب بس

ممكن يكون قدامك في كل حتة

في موقف تاني هقولكم عليه وهو انه بيكون في كل كليه مجموعة من الاسر

وبعضهم بيفرق علينا ورق عادي لكن بيكون مكتوب عليه الله اكبر ولله الحمد

وفيه كتير بيرمي الورق ده علي الارض غير مهتم لوجود اسم الله عليه

فقامت بنتين وراحت لواحدة من اعضاء الاسر دي

وقالت لها كده مينفعش والمفروض انهم يشيلوا لفظ الجلالة من الورقة

لان كتير بيرميها علي الارض في الموقف ده لو كانوا قلوا واحنا مالنا

تفتكروا هيكون ايه الوضع ؟ بصراحة مش عارفة هما شالوا لفظ الجلالة من الورقة ولا لأ

بس البنتين دول عملوا اللي عليهم وقاموا بواجبهم

وقدموا النصيحة ليبرأوا ذمتهم امام الله

موقف اخر كنت عند واحدة صاحبتى فسمعنا آذان

العصر

قالت لى مش هتقومي تصلي

قلتلها هصلى لما اوح البيت

قالت لى بس كده انتى مالكيش عذر امام ربنا امك ما تقوميش تصلي

بصراحة كلامها اثر فيا جدا

ومن ساعتها ما بضيعش الصلاه لو انا خارج البيت

و لو عندى واحدة صاحبتى فى البيت وسمعت الآذان بستأذنها انى اقوم اصلى وبخليها

هي كمان ما تضيعش الصلاة تقوم تصلي

تفتكروا لو كانت صاحبتي دي قالت وانا مالى تصلي ما

تصليش هى حره الحلال بين و الحرام بين كان زمان الحال ايه دلوقتي ؟

شوفتوا اد ايه كلمة و انا مالى ممكن تودينا لفين وممكن تغير كتير جدا و تخلي حياتنا كلها

سلبيه ولامبالاه

للموضوع بقية[/size]

موضوع: رد: وانا مالي 07/10/11, 03:04 pm

لو انتي سبتي صاحبتك وانت سبت صاحبك وقلت وانا مالي

اكيد في كتير غيرك بيقول وانا مالي وسايب صاحبه ماشي علي هواه

ومجربش حتي ينصحه فين الاخاء والحب في الله

عارفين كل ده ممكن يوصل لايه ؟ يوصل للي احنا فيه دلوقتي من تبرج ومعاصي في كل حتة

ويمكن لما تنصح صاحبك ياخد خطوة صح في حياته وكل ده في ميزانك

وانتي لو استمريتي مع صاحبتك في النصيحة والدعاء لها يمكن تكون انسانة جديدة وربنا يهديها

وكل اللي كان بيقلدها في الغلط يقلدها في الصح وكل ده في ميزانك

لعل الكلمة دي (وانا مالي) هي السبب اللي خلتنا احنا المسلمين كده

تقولي ازاي ؟

اقولك التبرج اللي ازداد بصورة كبيرة والتدخين والاغاني ومعاصي كتيرة اوي

وبنجري وراء تقليد الاخرين وناسيين ان احنا مسلمين

لو الرسول شاف المنظر ده تفتكروا هيقول ايه ؟

هيقول هي دي اللي انا تعبت وعزيت علشان تبقي زي امهات المؤمنين ؟

وهو ده اللي انا تعبت وغزيت علشان يبقي زي ابو بكر وعمرو ؟

بجد ليه بقينا كده ؟

ليه يامن تحمل لقب مسلم وانتي يامن تحملين لقب مسلمة ؟

تفتكروا لو واحد فكر يدخل الاسلام وشاف المناظر ده هيقول ده لو كان دينهم منعهم من

كده ماكنش في تبرج ولا تدخين ولا معاصي بنتكلم حتي قبل مايعرف يعني ايه اسلام هذا الدين العظيم

الحمد لله علي نعمة الاسلام وكفي بها نعمة

فعشان كده بقولك انت وانتي عليكم بالامر بالمعروف والنهي عن المنكرفالمؤمن كالغيث اينما وقع نفع

طيب نعمل ايه ؟ عشان كل ده

من واجبنا اننا نمنع كل ده طيب ازاي ؟

انا اقولك ازاي

كل اب وكل ام لو منعوا بنتهم انها تخرج بالملابس المتبرجة يبقي كده انجزنا نص المهمة

لو كل ام وكل اب عمل كده يبقي كدة اتقدمنا خطوة

وطبعا الشباب لو بيدخن يبطل تدخين وانه يبعد عن الاختلاط وانه ميكلمش بنات

وانه يعتبر كل بنت حواليه اخت له في الله وانه يخاف عليها

زي مابيخاف علي اخته وزي ماقلت في الاول كل واحد يكون داعية علي قد مايقدر

ممكن تقول انا مش بعرف اكلم حد وماليش في الدعوة اقولك لو مش عندك روح الالقاء

ممكن تقوم بتوزيع خيري للكتيبات والمطويات وربنا يجعله في ميزان حسناتكوتكون صدقة جارية

وياريت تكونوا قريتوا موضوع ياتري الاسلام هيقول عليك ايه

الرابط بتاعه كان في الجزء التاني

لازم قبل ما تنصح صاحبك او انتي قبل ماتنصحي صاحبتك

لازم انت اكون صح مش تكون بتشرب سجاير وبتعمل معاصي وتروح لصاحبك وتقوله

يلبني حرام عليك السجاير دي حرام هدمر نفسك لااااااااااااا

لازم انت تكون صح ومن جواك صح وتكون مقتنع باللي انت بتقوله ومش بتقول كلام شفوى وخلاص

فلا تنه عن منكر وتأتيه وتامر بعروف ولا تأتيه

ولا تنسي الادب في الحوار والرفق في النصيحة

ولازم وانت بتنصحه انه يكون بينك وبينه واوعي تحسسه بالاحتقار لا

خليك معاه خطوة خطوة وبراحة وعرفه بطريقة فيها رفق وتحسسه انك خايف عليه وبتحبه

ولازم لما تيجي تنصحه ما تنصحوش وانت واقف مع ناس تانيين عشان ميحسش بالذل وان انت احسن منه

في الحالة دي ممكن هو يعاند ويعمل اللي كان بيعمله واكتر فلازم يكون بينك وبينه وبهدوء

ومتنساش الدعاء له فالدعاء بظهر الغيب مستجاب

لا تحقرن من المعروف شيئا ولو ان تلقي اخاك بوجه طلق

اوعي تحتقر الشىء اللي بتعمله صح حتي لو كان صغير يمكن تكون الحاجة الصغيرة دي

طريق نجاتك من النار وسبب دخولك الجنة

والعكس اوعي تحتقر ذنب عملته وتقول لنفسك وايه يعني ده ذنب صغير هيأثر في ايه ماانا بصلي وبصوم

لاااااا

يمكن يكون الذنب الصغير ده هو سبب دخولك النار وبعدك عن الجنة

موضوع: رد: وانا مالي 07/10/11, 03:19 pm

جزاك الله خيرا وبارك فيك

موضوع: رد: وانا مالي 07/10/11, 04:34 pm

بارك الله فيك على الطرح القيم

جزاك الله خيرا و سدد خطاك

دمتي بكل الخير

تقديري

موضوع: رد: وانا مالي 08/10/11, 08:23 am

مشكورين يامبدعين

موضوع: رد: وانا مالي 11/10/11, 08:31 am

شكرا جزيلا لك على الموضوع

ننتظر جديدك

(تحياتي)

موضوع: رد: وانا مالي 11/10/11, 08:32 am

شكرا جزيلا لك على الموضوع

ننتظر جديدك

(تحياتي)

موضوع: رد: وانا مالي 13/10/11, 07:38 pm

تقبل الله منك
وجزاك كل خير
وسلمت يداك

» ياليت مالي قلب
» مالي شريك بخافقه غير امه - mms
» مالي وللنــجـم يرعاني وأرعـاه
» آآبـ ــ ــ ــ ــوي ياعزوتي ويادنيتي وراس مالي.
» يابو علي مالي بالأغراب مصلوح .. مآدآم قلب الي نحبه شحوحي