جلاش بالبسطرمة والجبنه الكمية تكفي: 5 أشخاص
وقت التحضير: 10 دقائق
وقت الطهي: 30 دقيقة
المقادير: لفة جلاش
كوب لبن
عدد 1 بيضة
ربع كيلو بسطرمة
ربع كيلو جبنة تركي
جبنة موتزريللا
ثمن كيلو زيتون إسود
طماطم مقطعة صغيرا
فلفل إسود مقطع صغيرا
زبدة
التحضير: - نجهز الحشوة
نقطع الفلفل الرومي والزيتون الاسود والبسطرمة قطع صغيرة والطماطم نقطعها حلقات
الطبخ: - ونبتدي بقى نضع ورقه الجلاش وندهن السمن واحده بعد واحده لغايه نصف الكميه
الجبنة المبشورة 
الزيتون الشرايح
البسطرمة
الطماطم والفلفل الرومي
واخر حاجة الجبنة الموتزاريللا ( ممكن نستغني عنها ونحط جبنة مبشورة تاني)
وبعدين نكمل رص بقية الجلاش وفي الأخر نقطعها بالشكل ده
ونكون محضرين كوباية لبن وبيضة ورشة ملح ورشة فلفل ونحطهم علي الصينية بالشكل ده
في ناس بتدخلها الفرن قبل ما تحط اللبن والبيض وبعد 10 دقايق يطلعوا الصينية يحطوا عليها الللبن والبيض ويدخلوها تاني
لكن انا اخدت الطريقة دي من شيف محمود علي قناة النيل للاسرة والطفل وبيطلع حلو اووووي
بحط اللبن والبيض واسيبها 10 دقايق اكون مشغلة الفرن عشان يبقي سخن وبعدين ادخلها
درجة حرارة 180 وقومي دخليها الفرن لمدة نصف ساعة
وده شكلها بعد ما استوت وطلعت من الفرن
منقول
الرئيسية 
