الإكلير بصوص الكراميلالمقادير:كوب دقيق
2 ملعقة صغيرة بيكينج بودر
3 ملعقة صغيرة زيت
ملعقة صغيرة فانيليا
رشة ملح
كوب ميه
4 بيضة
مقادير الكراميل
كوب سكر
2 ملعقة كبيرة زبدة
2 كوب كريمة مخفوقة
الطريقة:1- حطي الميه في حلة على النار وضيفي عليها الزيت واستني لحد ما الخليط يغلي، وبعدين ضيفي عليهم الدقيق قلبيهم على النار بمضرب اليد لحد ما تتجانس مع بعض لمدة 3 دقائق.
2- ارفعي الخليط من على النار وضيفي عليه البيكينج بودر والفانيليا وبيضة وابدئي اخلطيهم مع بعض، وبعدين ضيفي باقي البيض والملح واخلطيهم كويس مع بعض لحد ما تتجانس وتكون شبه الكريمة.
3- هاتي صينية وافردي عليها ورقة زبدة وابدئي خدي من العجينة بالملعقة الصغيرة ورصيها بحيث تكون شكلها مدور شوية، ودخليها فرن
درجة حرارته 180 درجة مئوية لحد ما يبقى لونها دهبي، وبعدين طلعيها من الفرن وسيبيها على جنب تبرد.
4- لعمل صوص الكراميل: حطي السكر على النار لحد ما يسيح مع التقليب، وبعدين ضيفي عليه كوب كريمة بالتدريج مع التقليب المستمر لحد ما الخليط يسيح مع بعض، وبعد كده ضيفي عليهم الزبدة مع التقليب لحد لمدة 3 دقائق أو لحد ما تسيح.
ملحوظة: ممكن تستبدلي صوص الكراميل بصوص الشيكولاتة.
5- اعملي فتحة صغيرة في كل كورة من الإكلير واحشيهم بالكريمة، وبعد كده ارفعي صوص الكراميل من على النار وصبيه على الإكلير، وقدميه.. وبالهنا والشفا.
الرئيسية 
